SISIDLANG IKAPUPURI

Siyang kaukulan sa nagmamay-ari

Upang gamitin sa tamang silbi

Di Niya pinili ang sisidlang marumi

Upang mapakain ang banal na lipi.

Kasangkapang malinis at totoong maringal

Sa mata ng madla'y di mapipintasan

Mga ibinukod, Kaniyang itinatangi

Sa ikaluluwalhati ng nagmamay-ari.

Naliglig sa kaalaman

Pinatalas sa katotohanan

Upang durugin ang mga hidwang-katha

Gibain ang naglalakihang kuta ng mga bulaan.

Hinalaw sa molave't nilinis na kagyat

Pinino sa katam na salitang anong talas

Nang ganap na mahulma,nayaring isang wagas

Mabuting kagamitan sa pagbibigay kaluwalhatian.

"Sisidlang ikapupuri...

Handang gamitin ng nagmamay-ari"

07-01-11 18:30

-seal