SA PAGBUHOS NG HABAG

Kasama akong natatakan

Ng pusong nananawagan

At ng dalisay na aral

Tanda ng awa at pagkahabag.

Sa pagbuhos ng habag

Muli akong nakinabang

Sa salita ng pagmamahal

Nag-ibayo ang paninindigan.

Silang uhaw sa paglingap

At labis ng nabibigatan

Silang nadapa at humandusay

Tumayong buong kagalakan.

Nang marinig ang Kanyang habag

Pagyuko'y di na napigilan

Magagawa pa bang magmatigas

Kung ang Salita sa puso'y nanahan?

......................................

Sinong nagnanasa ng mabuti 

sa lahat panahon ang di nahulog 

sa pagkakamali't pagkukulang?

Kaya't ang palo ay Kaniyang ipinararanas.

At tulad ng magulang na nagmamahal sa anak

Nagpaparusa't nahahapis at ito'y di lang minsan.

Subali't katulad ng pahayag Niyang wagas. . .

"Siya ay anak ko paring minamahal".

........................................

Sa pagbuhos ng habag kami'y natatakan

Mula sa pusong nananawagan ng nagtuturong

kinasangkapan.At ang dalisay na aral 

ay nanuot sa puso't isipan.

(Ngayo'y mamumuhay ng may kapanatagan)

(Inspired from the lesson 9-21/22 2011 thru our mentor)

9-22-11