SONATA

SONATA

Intro:

Sa kung saan ng balantok

May kaulayaw ang awiting ito

Sa 'sang bahagi ng kabilugan

Nanangis ang sonata.

...............................................

I.

Yapusin ako ng Iyong pag-irog

Buong pag-ibig ay iluhog

Bayaang lumaya ang damdamin.

Maipahayag ang saloobin.

II.

Hibang na di kawasa

Liyab ng kaluluwa'y mabatid

Uhaw na nasa

Iahon mula sa'king diwa.

Chorus:

Magpupunyagi..

Oo! Pagpupunyagian..

na madulutan Kang ligaya..

Di magsasawa

hanggang sa'king kamatayan.

...............................................

III.

Dahil Ikaw ang pangunahin

Ako ang Iyong kawangki.

Hindi sa kapangyarihan 

Kundi sa pag-ibig at kabanalan.

Sapagka't kami'y itinalaga

na maging Iyong kalarawan.

...............................................

Refrain:

Kung ang bawat daliri'y nakatadhana

Sa tiklado ay umuugma

Gayon ang buhay kong ito

Mapupugto sa kandungan Mo.

Noel "seal " Manzano 04-2-11  23:25

"Isang Ligaw Na Sonata" - awit sa Makapangyarihan. (Sonatang nakatago ang himig)