TIGIL MUNA PANSAMANTALA

TIGIL MUNA PANSAMANTALA

Anong liksi ng iyong kamay, anong bilis

ng iyong paggalaw, isipan mo'y kahanga-hanga

tunay ngang ikaw ay dalubhasa ngunit...

sa sumandali'y..tigil! kaibigan baka masanay ka't

tumakbo ng paroo't parito...napapagal din ang katawan.

Pansamantala'y masdan ang paligid mo at nawa'y

makita mo ang mga bagay na nalimot mo, dahan-dahan,

kaibigan, si lola ay mahihintay ka sa pagdalaw.

Sa puto't bibingka na 'yong dala at kay

lolo sa payak na ngiti kapag nakita ka.

"Ginto ang oras" sabi mo, higit naman

sa diyamante ang nawala sa paglimot mo.

Iyo na ang lahat ng kayamanan sa mundo

Gastahin kasama ng mga kaibigan kuno,pero,

bakit di ka parin makuntento?

Nakakatuwa kaibigan at marami kang gawain

Lalo na't pawang makabuluhan,subalit sa sumandali'y..

Tigil! Sapagkat hindi lahat ay mauunawaan ka.

Mabuting sabihing naririyan ka pa at

kaibigang hindi iba sa kanila.

Kakwentuhan mo sa araw-araw ay iba-iba

Si bunso man nais makausap ka

May kwentong inihanda,bat di subukang tanungin siya?

Huwag kang magmadali kaibigan, lahat..

ay magagawa sa tamang panahon at paraan.

Sa pagpili kung ano ang tama, isipin muna..

Ng makapito ang bunga, sapagkat ang pagsisisi

ay hindi magagawa sa una... sa sumandali'y 

Tigil Kaibigan! bawat oras ay paglimiin.

Ang lahat ay hindi magagawa sa isang araw lamang.

-Noel "seal " Manzano 12-18-10 13:22